Rojersning keyingi manzili ma’lum. U sobiq klubiga qaytadi

Yakuniga etgan mavsumda "Lester" rahbariyati tomonidan ishdan bo‘shatilgan Brendan Rojersning keyingi manzili aniq bo‘ldi. U "Seltik"ning yangi bosh murabbiyi bo‘ladi, deya xabar bermoqda Fabritsio Romano. Angliyalik mutaxassis 2016 yildan 2019 yilgacha mazkur jamoani boshqargan. 

Shotlandiya klubini oldinroq "Tottenxem"ning yangi ustozi Angelos Postekoglu tark etdi. Avstraliyalik murabbiy qo‘l ostida jamoa 112 marta maydonga tushib, 83 g‘alaba, 12 ta durang va 18 marta mag‘lubiyatga uchradi.

Ma’lum bo‘lishicha, Rojers "Seltik" bilan og‘zaki kelishuvga erishib bo‘lgan, tez orada rasmiy xabar e’lon qilinishi kutilmoqda.