“Рома” бир футболчига учта таклифни блоклади
“Рома” раҳбарияти бош мураббий Жозе Моуриньо ҳайдаган Рик Карсдорп бўйича таклиф ола бошлади.
Клуб мутасаддилари харидорларга нидерландиялик ҳимоячи тўлиқ трансфер қилинишини уқтириб келмоқда.
Il Tempo нашри пойтахт клуби Рик Карсдорп бўйича Италия ва хориждан таклиф олганини маълум қилди. Манбанинг таъкидлашича, “Ювентус”, “Марсель” ва “Лион” 27 ёшли ўнг қанот ҳимоячисини мавсум охиригача ижарага беришни сўраган.
Бироқ, “Рома” раҳбарияти ўз қарорида қатъий туриб, Карсдорпни тўлиқ трансфер қилиш бўйича таклиф тушмагунича бошқа вариантларни қабул қилмаслигини билдирди.
“Рома” беш йилдан бери клуб аъзоси ҳисобланган футболчини 10-12 миллион еврога баҳоламоқда.
Фикрлар