“Рома” бирданига “Барса”нинг икки ўйинчисини олади

“Рома” ёзги трансферлар вақтида турли позицияларга янги ижрочиларни олишни режалаштираётган кўп ёзилмоқда.

Жозе Моуриньо ҳимоя чизиғини ҳам ислоҳ қилишни мўлжалламоқда. Порутгалиялик мутахассис катта клублар “нонини еган” ўйинчиларни олишга қизиқяпти.

Хусусан, бош мураббий спорт директори Тьягу Пинтога “Барселона” устози Хавига керак бўлмай қолган Клеман Лангле ва Сержиньо Дест трансфери билан шуғулланишни топширган.  Америкалик Дест Каталонияга 2020 йилнинг октябрида олиб келинган эди. Бу мавсумда барча турнирларда 31 та ўйинда қатнашиб, учта голли пас узатди.

Франциялик Лангле 2018 йили “Севилья”дан олинган. У жами 24 та учрашувда битта ассист қайд этди холос.

Клублар ёзда бу икки трансфер бўйича музокара ўтказиши кутилмоқда.