"Рома": Бу футболчи сотилмайди!

Римнинг “Рома” клуби ҳимоячиси Никола Залевски якунланган ажойиб мавсумдан сўнг бир қатор Европа клубларининг эътиборини ўзига тортди.

La Gazzetta dello Sport нашрининг хабар беришича, 20 ёшли футболчига “Боруссия” Дортмунд жиддий қизиқиш билдира бошлаган. Бироқ ҳозирча немис гранди бу борада “Рома”га расмий таклиф билан чиқмаган.

Ўз навбатида “бўрилар” Залевскини қўйиб юбормоқчи эмас. Шу сабабли унинг трансфери бўйича билдириладиган ҳар қандай таклиф рад этилади.

Никола якунланган мавсум “Рома” таркибида жами 17 та ўйинда майдонга тушди.