"Рома" Дибаланинг тақдимотини қачон ўтказиши ва у қачон дебют қилиши маълум

Хабарингиз бор, аргентиналик ҳужумчи Пауло Дибала “Рома” билан келишувга эришди ва айни дамда ушбу жамоа билан бирга Португалия йиғинида бўлиб турибди.

Sky Sport нашри тарқатган хабарга кўра, Дибаланинг расмий тақдимот маросими 6 августга белгиланган.

Айтиш керакки, 7 август куни "Рома" Донецкнинг "Шахтёр" клубига қарши ўйин ўтказишни режалаштирган. Дибала айнан мана шу ўйинда "бўрилар" либосида дебют қилиши кутилмоқда. Қолаверса, ушбу учрашувдан тушган маблағ хайрия дастурига йўналтирилади.