“Рома”: Энди бу футболчини олиб қолмасак бўлмайди!

“Рома” раҳбарияти жамоа ҳужумкор футболчиси Николо Дзаньолога узоқ муддатли янги шартнома таклиф қиладиган бўлди.

22 ёшли ўйинчи Конференциялар лигаси финалида Нидерландиянинг “Фейеноорд” жамоаси дарвозасини ишғол қилиб, жамоасининг тарихий ғалабасини таъминлаган эди. Шундан сўнг, клуб хўжайинлари Николо клубда қолиш керак, қарорга келди.

Аввалроқ, клуб Дзаньоло бир неча таклифлар бўлаётганини инобатга олиб, ёзда уни сотиб юбормоқчи бўлаётган эди. Энди улар истеъдодли ўйинчига маоши оширилган янги битим таклиф қилади. Шу мунасабат билан клуб мутасаддилари футболчининг агентини музокарага чақирган.

Дзаньолонинг амалдаги шартномаси 2024 йилнинг ёзигача тузилган. Унга Италия ва Англия клубларидан жиддий чорловлар бўляпти.