“Рома” энг муҳим футболчисига янги таклиф беради

“Рома” ҳимоясининг энг муҳим ўйинчиси – Крис Смоллингнинг клуб билан шартномаси мавсум охирига якунланади.

Англиялик футболчида келишувни бир мавсумга узайтириш ҳуқуқи бор. Лекин Смоллинг бошқа клублардан жиддий таклиф ола бошлагани “Рома” раҳбариятини унга бошқа шартнома тақдим этишга мажбур қилмоқда.

Corriere dello Sport нашрининг маълум қилишича, римликлар тажрибали ҳимоячи “Интер”га ўтиб кетмаслиги учун унга икки йиллик битим беришга қарор қилган.

Смоллингни ўзи келажаги ҳақида пухтароқ ўйлаб кўриш учун клуб раҳбариятидан вақт сўрагани айтилмоқда.