"Рома" Европа лигасининг "Шахтёр"га қарши муҳим баҳсидан олдин жиддий йўқотишга учради
У чемпионат ўйинигача соғайиши кутилмоқда.
"Рома" ҳужумчиси Эдин Жеко бугунги машғулотларда иштирок этмаган. Бу ҳақда Corriere dello Sport нашри хабар бермоқда.
Юқоридаги манбага кўра, босниялик футболчи катта эҳтимол билан УЕФА Европа лигасининг 1/8 финалидан ўрин олган "Шахтёр"га қарши дастлабки ўйинни ўтказиб юборади. Римликлар устози Паулу Фонсека эса унинг 14 март куни "Парма"га қарши бўладиган А Серия баҳсига қадар соғайишига умид қилмоқда.
Жеко жорий мавсум Италия чемпионатида 18 та ўйинда майдонга тушди ва ўз ҳисобига 7 та гол ва 1 та голли узатма ёздириб қўйди.
"Рома" — "Шахтёр" ўйини эса 11 март куни Тошкент вақти билан соат 01:00 да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар