“Рома” футболчиси АҚШга йўл олади

“Рома” 2021 йилнинг  бошида “Даллас” жамоасидан истеъдодли ҳимоячи Брайан Рейнолдсни траснфер қилган эди.

Америкалик футболчи “Бўрилар” сафидан муқим ўрин эгаллай олмагач, икки мавсумдан бери Бельгия чемпионати вакиллари – “Кортрейк” ва “Вестерло” жамоаларида ижара асосида тўп тепмоқда.

Маълумотларга қараганда, Европа футболига мослаша олмаган Рейнолд АҚШга қайтиб кетади. 21 ёшли футболчини қадрдон жамоаси “Даллас” яна ўз сафига қўшиб олмоқчи.

Бундан ташқари, “Солт-Лейк-Сити” жамоаси ҳам “кўҳна қитъа”да тажриба тўплаган ўйинчини ўз сафига қўшиб олиш истагини билдирган.