"Roma" himoyachisi uchun kurashda "Yuventus" favorit

Turinning "Yuventus" klubi mavsumlar oralig‘ida "Roma" himoyachisi Kostas Manolasni sotib oladi.

Calciomercato nashrining xabar berishicha gretsiyalik futbolchining transferi “keksa sinora”ga 36 million evroga tushadi. Boisi, futbolchining shartnomasida aynan mana shuncha miqdorda tovon puli belgilangan.

Eslatib o‘tamiz, Manolas uchun shuningdek "Manchester Yunayted" va "Atletiko" ham kurash olib bormoqda. Biroq, "Yuventus" futbolchining agenti Mino Rayola bilan yaqin munosabatlarda ekani bois, ushbu kurashda favorit deya tilga olinmoqda.

Ma’lumot uchun, 27 yoshli Manolas joriy mavsum “Roma” safida jami 31ta o‘yinda maydonga tushdi va o‘z hisobiga 2ta gol hamda 1ta golli uzatma yozdirib qo‘yishga erishdi. Uning rimliklar bilan amaldagi shartnomasi 2022 yilga qadar imzolangan.