"Рома" ҳужумчиси қайд этган натижа Руни, Кейн ва Бекҳэмда ҳам йўқ!

Европа Конференциялар лигаси ярим финали доирасида "Рома" "Лестер"ни 1:0 ҳисобида мағлуб этиб, ҳал қилувчи беллашувда иштирок этиш имкониятини қўлга киритди.

"Тулкилар" таслим этилган баҳсда римликларнинг ягона голига Тэмми Абраҳам муаллифлик қилди. Бу унинг жорий мавсум Еврокубоклардаги 9-аниқ зарбаси сифатида қайд этилди.

Бу кўрсаткич эвазига Тэмми англиялик футболчилар орасида 2-натижани кўрсатиб турибди. Яъни, фақатгина Алан Ширер ва Стэн Боулз бир мавсум давомида УЕФА таснифидаги турнирларда ундан кўп гол урган (11 та).