“Рома” катта трансферни кўзлади

“Рома” раҳбарияти клуб тарбияланувчиси Давиде Фраттезини ортга қайтариш фикридан қайтгани йўқ.

Римликлар бу трансферни ёзда амалга оширмоқчи бўлганди. Лекин иш ўхшамай қолди. Спорт директори Тьягу Пинто шундан бери футболчининг агентлари билан алоқани узгани йўқ.

“Рома” ўз тарбияланувчисини “Сассуоло”дан ортга қайтариш учун “Наполи” ва “Брайтон” билан рақобатлашишга тайёр.

Il Tempo нашрининг хабар беришича, Тьягу Пинто ўйинчига харидорлар кўпайиб кетаётганини инобатга олиб, “Сассуоло” билан ёзги трансферни ҳозирдан келишиб қўймоқчи.