“Рома” кутилмаганда етакчи футболчи билан музокарани тўхтатди

“Рома” спорт директори Тьягу Пинто олдида турган асосий масалалардан бири жамоа етакчиси Николо Дзаньоло билан амалдаги шартномани узайтиришдир.

23 ёшли универсал футболчига Европанинг бир неча клубларидан таклиф бўлмоқда. Римликлар эса, кутилмаганда янги битим бўйича музокараларни яна тўхтатди.

Манбаларнинг таъкидлашича, клуб раҳбарияти Дзаньоло ўйинида ўсиш бўлишини яна бир муддат кузатмоқчи.

La Repubblica нашрининг ёзишича, агар истеъдодли футболчи барқарор ўйнай олишини намойиш қила  олса, 2024 йилнинг ёзигача амал қиладиган келишув яна уч йилга чўздирилади.

Унгача клуб раҳбарияти футболчининг агентлари билан ҳеч қандай учрашув ўтказмоқчи эмас.