“Рома” Моуриньо ҳайдаган ўйинчига нарх белгилади

“Рома” бош мураббийи Жозе Моуриньо нидерландиялик ҳимоячи Рик Карсдорп билан ишламаслигини маълум қилганидан кейин клуб раҳбарияти унга янги жамоа қидирмоқда.

Спорт директори Тьягу Пинто Карсдорпни тўлиқ трансфер қилинишини истаяпти. Бу мутахассис Рикни ижарага сўраётган бир неча клуб таклифини қабул қилгани йўқ.

Римликлар 27 ёшли футболчини 10 миллион еврога баҳолаган. Унга “ювентус”, “Фейеноорд” ва Франциянинг бир неча клублари кўз тикмоқда.

“Рома”нинг ўзи Карсдорп ўрнига бошқа ижрочи қидирмоқда. Айни пайтда улар “Реал”да ўйин амалиётисиз қолиб кетаётган Альваро Одриосолани олиш бўйича музокарага киришган.