"Рома" МЮ билан музокараларни ҳамон давом эттирмоқда

"Рома" клуби "Манчестер Юнайтед" ҳимоячиси Крис Смоллингнинг трансфери бўйича музокараларни ҳамон давом эттирмоқда.

Журналист Николо Скиранинг ёзишича, “бўрилар” 30 ёшли англиялик футболчи учун “қизил иблислар”га 18-20 млн евро атрофида маблағ тўлашга тайёр. Римликлар аллақачон Смоллингнинг ўзи билан шахсий келишувга эришиб бўлган. Унга кўра, футболчи Италия гранди сафида йилига 3 млн евро маош олади.

Смоллинг ўтган мавсумни айнан “Рома” сафида ижарада ўтказган эди. У 37 та ўйинда майдонга тушди ва 2 та гол ҳамда 3 та голли узатмага муаллифлик қилди. Унинг МЮ билан амалдаги шартномаси 2022 йилга қадар имзоланган.