"Рома" Шомуродов ўрнига италиялик ҳужумчини олиб келмоқчи

"Торино" собиқ ҳужумчиси Андреа Белотти фаолиятини "Рома"да давом эттириши мумкин.

"Calciomercato" нашрининг хабарига кўра, римликлар Абрахамга захира варианти сифатида италиялик форвардни олиб келмоқчи. Айни дамда Андреа эркин агент ҳисобланади.

Манбанинг қўшимча қилишича, ушбу трансфер фақатгина Шомуродов сотиб юборилса амалга ошиши мумкин. Белотти ўтган мавсум А Серияда 22 та ўйинда майдонга тушиб, 8 та гол урган ва битта голга ҳаммуаллифлик қилган.