"Рома" Шомуродовга жиддий рақобатчи олиб келмоқда. У ўтган мавсум АПЛда 14 та гол урган

"Кристал Пэлас" клуби ҳужумчиси Вильфрид Заа фаолиятини Италия А Сериясида давом эттириши мумкин.

Tuttomercatoweb нашри тарқатган хабарга қараганда,  Кот-д’Ивуар терма жамоасининг 29 ёшли аъзосига "Рома" жиддий қизиқиб қолган. “Бўрилар” ҳатто Заанинг вакилларига ҳам бу борада алоқага чиқишга улгурган.

Маълумот учун, Вильфрид Заа ўтган мавсум "Кристал Пэлас" сафида АПЛда жами 33 та ўйинда майдонга тушди ва рақиблари дарвозасига 14 та гол урди.

Эслатиб ўтамиз, "Рома"нинг ҳужум чизиғида ҳамюртимиз Элдор Шомуродов ҳам ҳаракат қилади.