"Рома" Сусо эвазига "Милан"га Пасторени бермоқчи

Римнинг “Рома” клуби ҳамон “Милан” ҳужумчиси Сусони сотиб олиш фикридан қайтмаяпти. Бу ҳақда Football Italia нашри хабар тарқатмоқда.

Таъкидлаш керакки, 25 ёшли испаниялик футболчининг товон пули 40 млн еврони ташкил этади. Бироқ, унинг “россонерилар” билан имзолаган шартномасига кўра уни фақат хориж клуби сотиб олиши мумкин. Аниқроғи, у А Серия клубларига сотилмайди. “Рома” эса Сусо эвазига “Милан”га аргентиналик ярим ҳимоячи Хавьер Пасторени таклиф қилмоқда.

Маълумот учун, Сусо ўтган мавсум А Серияда 35та ўйинда иштирок этди ва ўз ҳисобига 7та гол ҳамда 10та голли узатма ёздириб қўйишга эришди. Пасторе эса 14та ўйинда майдонга тушиб, 1та гол ҳамда 1та голли узатмага муаллифлик қилди.

Фикрлар

Фикр қолдириш учун авторизациядан ўтинг!