“Рома” трансферни тўхтатди!

“Рома” раҳбарияти истеъдодли ярим ҳимоячи Эдоардо Бовенинг трансферини тўхтатиб қўйди.

Жозе Моуриньо кашф қилган 20 ёшли футболчини “Лечче” ўз сафига қўшиб олмоқчи бўлганди. Римда ҳар икки клуб вакиллари Бовенинг ижараси бўйича музокара ўтказди.

Рим клуби мутасаддилари музокара чоғида уни қўйиб юбориш фикридан қайтди. “Бўрилар” Бовега муносиб ўринбосар топилганидан кейингина уни ижарага жўнатиши ёки сотиб юбориш мумкинлигини таъкидлаган.

Бундан ташқари, футболчининг ўзи ҳам Жозе Моуриньо қўл остида тўп тепишни истаяпти.

Бове жорий мавсумда асосий жамоа сафида А Серия ва Европа лигаси доирасидаги учрашувларда ўн маротаба майдонга тушиб, жами 116 дақиқа ўйнади.