"Рома" хўжайини клубга қанча сармоя киритганини биласизми?

"Рома" клуби хўжайини Дэн Фридкин ва унинг ўғли Раян жамоага катта миқдорда сармоя киритишда давом этмоқда.

Рим клуби эълон қилган молиявий ҳисоботда жамоанинг бош ҳомийси RRI (Romulus & Remus Investments) “Рома” ҳисоб рақамига 10 миллион евро миқдорида қўшимча сармоя киритгани кўрсатилган.

Шундай қилиб, Фридкиннинг “Рома”га киритган пул инвестицияларининг умумий миқдори 359 миллион еврога етди. Бу суммага 2020 йил август ойида клубни сотиб олиш кирмайди.

Таъкидлаш лозимки, Фридкинлар оиласи жорий 2022 йилда "Рома"га 49 миллион евро сармоя киритди.