"Рома" Янузайни ўз сафига қўшиб олмоқчи

Римнинг “Рома” клуби “Реал Сосьедад” ярим ҳимоячиси Аднан Янузайнинг трансфери масаласида музокараларни бошлаб юборди.

Sky Sport Italia нашри тарқатган хабарга кўра “бўрилар” 24 ёшли бельгиялик футболчини кейинчалик 12 млн еврога тўлиқ сотиб олиш ҳуқуқи билан мавсум охиригача ижарага олмоқчи. Ўз навбатида басклар Аднанни 800 минг евро эвазига кейинчалик сотиб олиш ҳуқуқисиз ижарага беришни хоҳлашмоқда.

Таъкидлаш керакки, “Рома” Янузайни жароҳат олиб ярим йилга сафдан чиққан ярим ҳимоячиси Николо Дзаньоло ўрнига муносиб кўрмоқда.