“Рома” яқин вақт ичида янги трансферни расмийлаштиради

ПСЖ ярим ҳимоячиси Жоржиньо Вейналдум "Рома"га ўтишга яқин турибди. Журналист Николо Скиранинг хабар беришича, айни дам ярим ҳимоячи “бўрилар” лагерида тиббий кўрикдан ўтмоқда.

Вейналдум тиббий кўрикдан ўтиб, Жозе Моуриньо жамоаси билан шартнома имзолайди. Ҳозирча келишув бир йиллик ижара асосида амалга оширилади, бироқ мавсум якунида Рим клуби голландияликни тўлиқ сотиб олиш ҳуқуқига эга бўлади. Трансфер яқин соатлар ичида эълон қилинади.

Вейналдум ўтган ёзда эркин агент мақомида ПСЖга ўтган эди. Аммо унинг Лига 1 чемпионатидаги дебюти кўнгилдаги каби бўлмади. Шунинг учун Жоржиньо кетишга қарор қилди.