"Рома" "Ювентус" кўзлаган футболчини "илиб кетди"

"Рома" АҚШнинг "Даллас" клуби ҳимоячиси Брайан Рейнольдсни ўз сафига қўшиб олди.

Football Italia нашри тарқатган хабарга қараганда, римликлар 19 ёшли америкалик футболчини кейинчалик 7,5 млн еврога сотиб олиш шарти билан ярим мавсумга ижарага олди. Айтиш керакки, ушбу футболчи учун “Рома”дан ташқари “Ювентус” ҳам жиддий кураш олиб бораётган эди.

Брайан Рейнольдс “Даллас” клуби тарбияланувчиси ҳисобланади. У жами 31 та ўйинда майдонга тушган ва 6 та голга ассистентлик қилган.