"Рома"нинг асосий ҳимоячиси 3 ҳафта майдонга туша олмайди

Римнинг "Рома" клуби ҳимоячиси Костас Манолас жароҳати сабаб 3 ҳафта майдонга туша олмайди. Бу ҳақда Sky Sport Italia нашри хабар бермоқда.

Шу тариқа 27 ёшли грециялик футболчи А Сериянинг "Эмполи" ва СПАЛга қарши ўйинларини ўтказиб юборади. Бироқ, у 31 март куни бўладиган "Наполи"га қарши муҳим баҳсга қадар сафга қайтиши кутилмоқда.

Маълумот учун, Манолас жорий мавсум Италия чемпионатида жами 21та ўйинда майдонга тушди ва ўз ҳисобига 1та гол ёздириб қўйишга эришди.