“Рома”нинг яна бир футболчиси жаҳон чемпионатига борадиган бўлди

“Рома”нинг 20 ёшли футболчиси Никола Залевски Польша миллий терма жамоаси сафида Қатарда бўладиган жаҳон чемпионатида иштирок этади.

Польшаликлар устози Чеслав Михневич универсал ўйинчини мундиалга олиб кетиладиган 26 нафар футболчи рўйхатига киритди.

Польша футболчилари бўлажак мусобақанинг гуруҳ босқичида Аргентина, Мексика ва Саудия Арабистони футболчилари билан куч синашади.

Никола Залевски жорий мавсумда барча турнирларда “Рома” учун 15 та учрашувда майдонга тушди. Шунингдек, Никола шу кунга қадар Польша сафида еттита ўйин ўтказган.