“Рома”спорт директори Шомуродовнинг трансферини якунлаш учун Миланга борди

"Рома" бош директори Тиаго Пинто ёзги трансфер ойнасининг сўнгги кунларида кераксиз ўйинчиларнинг кетишини таъминлаш учун бир қанча ишларни амалга оширмоқда.

“Sky Sport” нашри журналисти Жанлука Ди Марционинг хабарига кўра, португалиялик мутахассис Миланга етиб борган ва у ерда яқин кунларда қолиши кутилмоқда.

Пинто Миланда Элдор Шомуродов, Жастин Клюйверт ва Феликс Афена-Гьян трансферларини амалга ошириш мақсадида турли хил агентлар ҳамда бир қанча клуб вакиллари билан учрашади.

Бундан ташқари, Пинто Андреа Белоттининг Италия пойтахтига кўчиб ўтиши учун ҳам ҳаракатни тўхтатгани йўқ. Агар Шомуродов, Гьян ва Клюйверт трансферларидан бирини амалга ошира олса, “Рома”да Андреани ўз сафига қўшиб олиш учун имконият бўлади.