Роналду мундиални тарк этган кўзда ёш билан баноёт берди

Португалия терма жамоаси мундиал плей-оффида Испания билан куч синашиб, учрашув якунланиши арафасида ўтказиб юборилган ягона гол туфайли мусобақани тарк этадиган бўлди. 

Португалия терма жамоаси сардори Криштинау Роналдуга кўра, жамоа майдонда муносиб ўйин намойиш этди, бироқ бу кейинги босқичга чиқиш учун етарли бўлмади.

- Биз яхши ўйин кўрсатдик, майдонда ўзимизни муносиб томондан намоён этдик. Албатта, янада кучлироқ ўйнашимиз мумкин эди, лекин Испания ҳозир дунёдаги энг кучли терма жамоалардан бири ҳисобланади ва финалгача етиб бориш салоҳиятига эга. 

Бундай мағлубиятдан кейин оғир, лекин майдонда бор кучимни ишга солдим, - дея футболчининг сўзларини журналист Фабрицио Романо келтиради.

41 ёшли ҳужумчи учун ушбу учрашув жаҳон чемпионатларидаги сўнгги ўйин бўлди. У бундан аввалроқ 2026 йилги жаҳон чемпионати унинг ўйинчи сифатидаги халқаро карьерасидаги охирги йирик мусобақа бўлишини маълум қилган эди.