Роналдиньо Мессидан нима хоҳлайди?

Бразилиялик футбол юлдузи Роналдиньо “Барселона”даги собиқ жамоадоши Лионель Мессига фаолиятини Каталония клубида якунлашга чақирди.

Журналистларга берган интервьюсида бразилиялик футболчи Мессини ўзининг дўсти деб билишини айтди.

"Мен уни қаерда ўйнашидан қатъи назар, бахтли кўришни хоҳлайман. Агар Месси ўз футбол тарихининг муҳим қисмини ўтказган "Барселона"да фаолиятини якунласа ажойиб бўларди", - деди у.

Бундан ташқари, Роналдиньо аргентиналик ҳужумчини дунёнинг энг яхши футболчиси деб айтди.