Роналдо: "Бразилия терма жамоаси Неймар ва Винисиуснинг фазилатларига таяниши керак"

"Реал Мадрид" ва "Барселона"нинг собиқ ҳужумчиси ҳисобланган Роналдо Назарио Винисиус Жуниор, Неймар ва Бразилия терма жамоаси ҳақида ўз фикрларини билдирди
 
"Винисиус "Реал Мадрид"да ақл бовар қилмайдиган ўйинчи, аммо у терма жамоада ўша савияни кўрсата олмаяпти. Неймар ва Винисиусга максимал самарадорликни кўрсатиш учун терма жамоада кўпроқ эркинлик бериш керак. 
 
Неймар - жамоанинг таянчи. Винисиус ҳам асосий футболчи ҳисобланади. Бизда иккита ажойиб ҳужумчилар бор. Биз бундан бошлашимиз ва жамоанинг улар учун ўйнаш йўлини топишимиз керак. 

Шу билан бирга, Неймар ёшларни илҳомлантирадиган, майдонда ўзига хослик кўрсатадиган, таваккал қиладиган, ҳаракат қиладиган, қийин ўйин ва голлардан қўрқмайдиган фигура. Умид қиламанки, у яхши формада қайтади, чунки у яхши бўлса, жамоа тўғри йўлни топади. 
 
Винисиусга келсак , у "қироллик клуби"да қилаётган иши "ақл бовар қилмайдиган нарса" эканлигини таъкидлашимиз керак. Унинг терма жамоадаги самарадорлигига асосий сабабчи бош мураббий Доривал Жуниордир. Сабаби, у энг яхши тизим ва энг яхши футболчиларни топишга масъулдир"- деди бразилиялик собиқ форвард.