Роналду А Серияда Шевченко ва Роналдо қилган ишни қила олмади

“Ювентус” клуби ҳужумчиси Криштиану Роналду кеча А Сериянинг 8-туридан ўрин олган “Болонья”га (2:1) қарши ўйинда ўз ҳисобига гол ёздириб қўйишга эришди.

Бу 34 ёшли португалиялик футболчи учун А Сериядаги 25-гол бўлди. Ушбу натижани қайд этиш учун унга 38та ўйин керак бўлди.

Таъкидлаш керакки, Италия А Сериясида энг тезкор 25 та гол уриш бўйича Роналдудан фақатгина 4 та футболчи  - Винченцо Монтелла (31 матч), Роналдо (32), Диего Милито (33) ва Андрей Шевченко (33) камроқ ўйин сарфлаган.

Маълумот учун, Роналду “Ювентус” шарафини 2018 йилнинг ёзидан буён ҳимоя қилиб келмоқда. У ҳозирча туринликлар сафида жами 51та ўйинда иштирок этиб, ўз ҳисобига 32та гол ҳамда 11 та ассист ёздириб қўйишга эришди.