Роналду “Ан-Наср”ни жумбушга келтирди, янги шартнома музокараси тўхтатилди

“Ан-Наср” клуби жамоанинг энг машҳур юлдузи Криштиану Роналду билан ҳамкорлик шартномаси янгилаш борасида музокара олиб бораётган эди.

Саудия Арабистони чемпионати доирасида “Ал-Иттиҳод”га қарши ўтказилган учрашувдан кейин юз берган воқеа “Ан-Наср” хўжайинларини жумбушга келтирди. Беллашув 2:3 ҳисобида бой берилганидан кейин Роналду майдондан чиқиб кетишда турли имо-ишоралар билан натижадан норози эканини кўрсата бошлади.

Бу ҳолат “Ан-Наср” раҳбариятига ёқмади ва бунинг оқибатида музокаралар тўхтатилди.

Содир бўлган вазиятгача, томонлар ҳамкорликни яна икки йилга узайтириш бўйича келишувга эришгани айтилаётган эди.

Роналдунинг амалдаги шартномаси 30 июнь куни якунланади. Айрим нуфузли манбалар 40 ёшли ҳужумчи яна Европага қайтмоқчи экани ва унга қадрдон жамоаси “Спортинг” иш беришга тайёрлигини ёзмоқда.