Роналду асли “Арсенал”да ўйнаши керак эди

Ўз вақтида “Арсенал”ни гранд клублар қаторига қўшиб, ажойиб натижаларни қайд этган Арсен Венгер ўзи истаб, қўлга кирита олмаган футболчилар ҳақидаги саволга жавоб берди.

- Мен учун армонга айланган футболчилар камида 50 нафар! Агар биттасини айтиш керак бўлса, Криштиану Роналдуни “Манчестер Юнайтед”га ўтган пайтда қўлдан чиқарганмиз. “Арсенал”нинг “Спортинг” билан келишуви бор эди. Лекин “Манчестер Юнайтед” Карлос Кейрушни ёрдамчи мураббий қилиб ишга олди. Унинг ёрдамида улар бизни таклифимизни йўққа чиқариб, Роналдуга эга чиқди.

Биз ҳатто Роналдуга ўз футболкамизни ҳам бергандик. Келишувимиз кучда эди. Мен Криштиану ва онаси билан клуб базасида овқатланган эдим. “Арсенал” Роналду каби кўплаб зўр ўйинчиларни қўлдан бой берган, - деди Арсен Венгер.