Роналду: Бензема, овора бўлма, барибир етолмайсан!
Чемпионлар лигаси ярим финал жавоб ўйинида “Манчестер Сити” дарвозасини пенальтидан ишғол қилган Карим Бензема “Реал”даги жами голлари сонини 322 тага етказиб олди.
Ҳозирча, франциялик футболчи клуб тўпурарлари рўйхатида учинчи ўринда турибди. Ундан бир поғона юқорида жойлашган Рауль ҳисобида 323 та гол бор ва Карим фаолиятини тугатган испан ҳужумчисидан шу мавсумнинг ўзида ўзиб кетади.
Шунга қарамай, Карим Бензема клуб тарихида энг яхши тўпурар номига сазовор бўла олмаслиги ҳақиқатга яқинроқ. Чунки мадридликларнинг энг зўр голеадори бўлиб турган Криштиану Роналду ҳисобида 450 та гол бор.
Бу кўрсаткичга етиш учун Бенземага бир неча мавсум керак бўлади. Франциялик ҳужумчининг ёши ўтиб қолганини инобатга олсак, Роналдунинг рекорди сақланиб қолиши катта эҳтимол.
Фикрлар