Роналду бир ўйинда бир нечта рекорд ўрнатди
Португалия терма жамоасининг 2024 йили бўладиган Европа чемпионатининг саралаш турнири биринчи турида Лихтенштейнга қарши ўтказган учрашуви Криштиану Роналду учун тарихий аҳамият касб этди.
Ўз юрти термаси учун 197-учрашувини ўтказган португалиялик юлдуз халқаро майдонда энг кўп ўйин ўтказган футболчиган айланди.
Шунингдек, беллашувда дубль қайд этган Роналду терма жамоа сафида энг кўп гол уриш бўйича ўзига тегишли рекордни янгилаб, голлари сонини 120 тага етказиб олди.
Лихтенштейн дарвозасини икки бор ишғол қилиш орқали 38 ёшли футболчи яна бир рекорд соҳиби бўлди. Роналду миллий терма жамоаси учун расмий баҳсларда 100 та гол урган биринчи футболчи сифатида ўз номини тарихга муҳрлади.
Бундан кейин Криштиану Роналду ўтказадиган ҳар бир ўйин ва урадиган голлари янги кўрсаткич сифатида қайд этилади.
Фикрлар