Роналду биринчи, Месси эса учинчи ўринда

Дунёнинг энг кўп маош олувчи спортчилари аниқланди.

Саудия Арабистонининг "Ан-Наср" клуби форварди Криштиану Роналду дунёнинг энг кўп маош олувчи футболчиси ҳисобланади. Манбага кўра 40 ёшли футболчининг йиллик маоши 200 миллион еврони ташкил этади. Таъкидланишича, Роналдунинг умумий йиллик даромади 260 миллион евро. Рейтингнинг иккинчи поғонасини мексикалик боксчи Сауль Альварес Канело эгаллаган. У 2025 йилда 137 миллион евро ишлаб топган. Кучли учликни эса "Интер Майами" етакчиси Лионель Месси якунлаб беради. Аргентиналик футболчининг йиллик даромади 130 миллион еврони ташкил этади. Футболчилар орасида Карим Бензема ҳам кучли ўнликдан жой олган. Француз 105 миллион евро билан 6-ўринни банд этган бўлса, "Реал" юлдузи Килиан Мбаппе 95 миллион евро билан 12-поғонадан жой олган.

Маълумот учун, бу суммалар фақат йиллик маош эмас, балким турли хил рекламалардан келадиган пуллар ҳам ҳисобга олинган.