Роналду биринчи учрашувдаёқ катта рекордни янгилаб қўйди

Саудия Арабистонининг биринчи турида “Ан-Наср” футболчилари сафарда “Ат-Таавун” жамоаси меҳмони бўлиб, рақиб дарвозасига жавобсиз бешта тўп киритди.

Учрашув қаҳрамони риёдликлар сафига янги қўшилган Жоау Феликс бўлди. Португалиялик ҳужумчи хет-трик қайд этди.  Европада порлаган яна бир йил юлдуз – Кингсли Коман ҳам “Ан-Наср”га келганини гол билан нишонлади.

Криштиану Роналду учрашувнинг 54-дақиқасида пенальтини аниқ бажарди. Бу 40 ёшли футболчининг профессионал фаолиятидаги 940-голи бўлди ва мутлақ рекорд яна янгиланди.

Роналду фаолияти давомида клублар миқёсида 802 та тўп киритган. Шунингдек, Португалия терма жамоаси либосида халқаро майдонда 138 та голга муаллифлик қилган.

Машҳур ҳужумчи  “Ан-Наср” билан яна икки йил ҳамкорлик қилишини  инобатга олсак, у жаҳон футболи тарихида расмий учрашувларда 1000 та гол урган биринчи футболчига айланиши мумкин.