Роналду борми? Португалия терма жамоасининг ФИФА кунлари учун қайдномаси эълон қилинди

Октябр ойида Португалия терма жамоаси 2024-йилги Европа чемпионати саралашида иккита ўйин ўтказади. Даставвал Роберто Мартинес шогирдлари Словакия (13-октябрь), кейин эса Босния ва Герсеговина (16-октябрь) билан ўйнайди.

Мартинес ушбу баҳслар учун терма жамоага чақирув олган футболчилар рўйхати эълон қилди. Рўйхатдан Саудиянинг “Ан-Наср” клуби шарафини ҳимоя қилаётган юлдуз ҳужумчи Криштиану Роналду ҳам ўрин олган.

Роналду Португалия терма жамоаси сафида жами 201 та ўйин ўтказган. Уларда ҳужумчи 123 та гол урган ва 44 та голли узатмани амалга оширган.