Роналду бойкотдан кейин даҳшатли рекордини янгилади

“Ан-Наср” ҳужумчиси Криштиану Роналду Саудия Арабистони Профессионал лигаси раҳбарияти трансфер сиёсатига қарши ўтказган бойкотидан кейин лиганинг 22-турида асосий таркибда майдонга тушди.

Яқинда 41 ёшга тўлган португалиялик футболчи “Ал-Фатеҳ” майдони бўлиб ўтган учрашувнинг биринчи бўлимидаёқ жамоадоши Садио Мане узатган тўпни дарвоза тўрига жойлаб, ҳисобни очди ва жамоасининг 2:0 ҳисобидаги ғалабасига ҳисса қўшди.

Бу гол Роналду учун тарихий аҳамият касб этди. Беш карра “Олтин тўп” соҳиби профессионал фаолияти давомида киритган тўплари сонини 962 тага етказиб олди.

Ушбу кўрсаткич жаҳон рекорди ҳисобланади. Футбол жамоатчилиги Роналдудан гол уриш бўйича минглик маррани қачон забт этишини кутмоқда.