Роналду бойкотдан кейин фикр билдирди

“Ан-Наср” таркибида учта учрашувни бойкот туфайли ўтказиб юборган Криштиану Роналду Саудия Арабистони Профессионал лигасининг 22-турида “Ал-Фатеҳ”га қарши учрашувда майдонга тушди.

41 ёшли футболчи сафар учрашувида гол уриб, жамоасининг 2:0 ҳисобидаги ғалабасига катта ҳисса қўшди.

Профессионал фаолиятидаги голлари сонини 962 тага етказиб, бу кўрсаткич бўйича ўз рекордини янгилаган португалиялик юлдуз учрашувга муносабат билдирди.

Криштиану Роналду X ижтимоий тармоғидаги саҳифасида қуйидаги постни қолдирди.

- Олдинга ташланган яна бир қадам. Келинг, давом эттирамиз, - деб ёзди Раналду.

Ушбу ғалабадан кейин “Ан-Наср” очколари сонини 52 тага етказиб, мусобақа жадвалида иккинчи поғонага кўтарилиб олди. Роналду жамоаси пешқадам “Ал-Ҳилол”дан бир очкога ортда қолмоқда.

Роналдунинг ўзи жорий мавсумда Про-лигада 19 та ўйинда иштирок этди, уларда 18 та гол урди ва битта голли узатмани амалга оширди.