Роналду Ер юзида ҳеч бир инсон уддалай олмаган ишни амалга оширди
“Ювентус” ҳужумчиси Криштиану Роналдунинг ижтимоий тармоқлардаги обуначилари сони 500 миллиондан ошди. Bleacher Report нашрининг маълум қилишича, ҳеч бир инсон шу пайтгача ижтимоий тармоқларда бу қадар кўп обуначи тўплай олмаган.
Яқиндагина 36 ёшни қарши олган португалиялик футболчи фаолияти давомида “Ювентус”дан ташқари “Реал”, “Манчестер Юнайтед” ва “Спортинг” клубларида ўйнаган. У жорий мавсум туринликлар сафида 25 та ўйинда майдонга тушди ва 23 та гол ҳамда 3 та голли узатмага муаллифлик қилди.
Фикрлар