Роналду фаолиятини қачон тугатишини айтди

“Манчестер Юнайтед”нинг 37 ёшли футболчиси Криштиану Роналду ҳали футболчилик фаолиятини якунламоқчи эмас.

Португалиялик юлдуз тўнғич ўғли кенжа-Криштиану билан бирга бир жамоада ўйнаганидан кейин футболчилик эстафетасини унга топшириб, кейин ўзи нафақага кетишни режалаштиряпти.

Журналист Фрэнк Халиднинг айтишича, Криштиану Роналда ёзда 12 ёшга тўладиган ўғлининг профессионал даражага чиқиши тўрт-беш йил кутишга қарор қилган.

Роналду даражасидаги футболчи учун 40 ёшда ҳам тўп тепиш муаммо эмас. Буни “Милан”да чемпионлик учун курашаётган Златан Иброҳимович исботлаб берди. 41 ёшли швед ҳужумчиси  ҳамон гол уришни уддалаяпти.

Криштиану эса ўзининг жисмоний ҳолатини Златанга қараганда яхшироқ бошқара олади.