Роналду фаолиятини қачон якунлайди?

Португалия терма жамоаси бош мураббийи Фернанду Сантуш "Ювентус" ҳужумчиси Криштиану Роналду қачон фаолиятини якунлашини айтди.

“Роналду 40 ёшгача ўйнай олади. Лекин у бунинг содир бўлишини билмайди. Қачондир у энди юқори савияда ўйнай олмаслигини ҳис қилиши мумкин. У эса паст даражада ўйин кўрсатишга рози бўладиган футболчилар тоифасига кирмайди. У буни сезган пайтдаёқ ўз-ўзидан фаолиятини якунлайди”, - деди Сантуш.

35 ёшли Роналду жорий мавсум “Ювентус” сафида 2 та ўйинда майдонга тушди ва 3 та гол урди.