Роналду илк бор адашди

“Ан-Наср” ҳужумчиси Криштиану Роналду 2023 йилнинг январида риёдликлар сафида фаолиятини бошлаганидан бери мунтазам пенальтиларни бажариб келмоқда.

Саудия Арабистони кубоги нимчорак финалида “Ат-Таавун”га қарши ўтказилган баҳснинг сўнгги дақиқаларида “Ан-Наср” пенальти ишлади.

Нуқтага одатдагидек, Криштиану яқинлашди. Бу гал португалиялик юлдуз зарба беришда адашди ва гол ура олмади.

Оқибатда “Ан-Наср” ўз майдонида 0:1 ҳисобидаги мағлубиятни қабул қилишга мажбур бўлди ва турнирни тарк этди.

Бунгача “Ан-Наср” сафида 19 маротаба пенальти тепиб, уларнинг барчасини аниқ бажарган КРиштиану Роналду бу гал мақсадига етолмади.