Роналду "Женоа"га қарши ўйин қайдномасига ҳам киритилмади. Аллегри бунга жавоб берди

Туриннинг “Ювентус” клуби бош мураббийи Массимилиано Аллегри португалиялик ҳужумчи Криштиану Роналдуни нега А Серия 28-туридан ўрин олган “Женоа”га қарши баҳс қайдномасига киритмаганини тушунтирди.

“Роналду бу йил жуда кўп ўйин ўтказди, шу боис унга дам беришга қарор қилдим. Қўшимчасига олдинда уни Португалия терма жамоаси сафида 2та ўйин кутиб турибди. Шу боис уни ушбу ўйинда ҳам майдонга тушириб, таваккал қилишни хоҳламадим”, - дейди италиялик мутахассис.

Эслатиб ўтамиз, "Женоа" - "Ювентус" учрашуви бугун Тошкент вақти билан соат 16:30да бошланади.