Роналду келгач "Ювентус"нинг мухлислари 10 фоизга кўпайди

Криштиану Роналдунинг "Ювентус"га ўтиши клуб учун ҳар жабҳада юқорилашга сабаб бўлди.

Nielsen Sports нашри тарқатган хабарга кўра 34 ёшли португалиялик футболчи “кекса синьора”га кўчиб ўтгандан бир йил ўтиб жамоа ишқибозлари 9,87 фоизга - 385 миллиондан 423 миллионга етган.

Бундан ташқари “Ювентус”нинг ижтимоий тармоқлардаги обуначилари сони 50,4 миллиондан  84,8 млн кишига кўпайган.

“Ювентус” атрибуткалар савдосида ҳам фаоллашди. Роналду жамоага келгач бу борадаги кўрсатгичлар 62,5 фоизга ошди.

Маълумот учун, 34 ёшли Роналду 2018 йилдан буён “Ювентус” сафида тўп суриб келмоқда. Ўтган давр мобайнида жами 51 та ўйинда майдонга тушди ва 32 та гол уришга эришди. Унинг туринликлар билан амалдаги шартномаси 2022 йилга қадар имзоланган.