Роналду кетганидан хафаман!

“Манчестер Юнайтед”нинг собиқ ўйинчиси Луи Саа португалиялик юлдуз Криштиану Роналдунинг Англиядан кетганига муносабат билдирди.

- Роналду клуб билан тил топишиб, жамоада қолса бўларди. У ажойиб ўйинчи ва мен кетганидан ҳали ҳам хафаман. Криштиану бу мавсумда 10-15 та гол уриб жамоасига янада яхшироқ натижалар қайд этишига ёрдам бера оларди.

Роналду – жуда ғурурли йигит. У буни ҳеч қачон баралла айтмаса ҳам, ўзи тан олмаса ҳам,  қалбининг тубида “Манчестер Юнайтед”да голлар уриб, совринлар ютиш истаги кучли эканини биламан, - деди Луи Саа.

Криштиану Роналду раҳбарият ва бош мураббийни кескин танқид қилганидан кейин клуб хўжайинлари у билан хайрлашди. Португалиялик юлдуз Европа футболини тарк этиб, Саудия Арабистонининг “Ан-Наср” жамоасига кўчиб ўтди.