Роналду киритган гол "Юве"нинг "Рома" устидан зафар қучишида муҳим роль ўйнади

Италия А Сериясининг 19-турида "Рома" ўз уйида "Ювентус" клубини қабул қилди.

Қизиқарли кечган беллашувда Турин клуби футболчиси Демирал ҳисобни очди. Орадан кўп вақт ўтмай, Криштиану Роналду пенальтидан гол уриб, ҳисобни ишончли кўринишга келтириб қўйди. Учрашувнинг 68-дақиқасида римликлар аъзоси Перотти 11 метрлик нуқтадан дарвозани ишғол қилди ва баҳс давомида бошқа гол бўлмади.

Шу тариқа, "Ювентус" 2:1 ҳисобидаги ғалабани қўлга киритиб, очколар сонини 48 тага етказиб олди ва "Интер"дан 2 очкога ўзиб кетди.

"Рома" эса 35 очко билан ўзи эгаллаб турган 4-ўринда қолди.