Роналду: "Мен Чемпионлар лигасини ютишни истайман"

"Ан-Наср" футболчиси Криштиану Роналду ўз келажаги ҳақида саволга жавоб берди. Португалиялик юлдуз қайси совринни ютмоқчи эканлигини айтиб ўтди. 

"Мен клуб учун Осиё Чемпионлар Лигасини ютишни хоҳлайман, лекин энг муҳими — курашишни давом эттириш ва профессионал бўлиб қолиш. Мен курашишни давом эттираман ва "Ан-Наср"га совринларни ютишда ёрдам бераман. Ишонаманки, бу йил "Ан-Наср" учун омадли бўлади," — деб футболчининг сўзларини келтирди Бен Жейкобс.  

Эслатиб ўтамиз, 39 ёшли ҳужумчи 2023 йил бошида Ар-Риёд клуби футболчисига айланган эди. Жорий мавсумда Криштиану барча турнирларда 19 ўйинда 16 та гол уриб, 3 та голли узатма берган.  

Роналдунинг Саудия Арабистони клуби билан меҳнат шартномаси шу йилнинг ёзида ниҳоясига етади.