Роналду: Месси катта хатога йўл қўйди!

“Ювентус” ҳужумчиси Криштиану Роналду ашаддий рақобатчиси Лионель Мессининг ПСЖга ўтганига муносабат билдирди.

Бу ҳақда Италиянинг www.calciomercato.com сайти хабар бермоқда.

- Ҳар ким ўз йўлини ўзи танлайди, менимча, Месси қўпол хатога йўл қўйди. Дўстларим ПСЖ ички муҳитида муаммо борлиги ҳақида хабарларни ўқиётганини айтмоқда. Ҳеч қачон сен иккинчи ўринда бўладиган жамоага ўтмаслик керак. Ҳозир Лео янги жамоасида лидер эмас, ҳамманинг нигоҳи Килиан Мбаппеда.

Месси осон совринлар ортидан қувмасдан, кучсизроқ жамоага ўтиб, ана ўша ерда етакчиликни ўз қўлига олиши керак эди. Мен уни қаттиқ ҳурмат қиламан, лекин у нотўғри йўлни танлади. Бироқ, ҳаммасини вақт кўрсатишини ҳам унутмаслик керак, - деди Криштиану Роналду.