Роналду мингта гол уролмаса нима бўлишини айтди

“Ан-Наср” ва Португалия терма жамоаси ҳужумчиси Кириштиану Роналду жаҳон тарихида расмий учрашувларда мингта гол урган биринчи ва ягона футболчига айланмоқчи. 

39 ёшли форвард ҳисобида ҳозирча 908 та гол бор. Роналду агар мақсадига ета олмаса нима бўлишини айтди. 

- Ростини айтаман, мен реал вақт билан яшайман ва ҳаётда энг муҳим нарса айнан мана шу эканини биламан. Узоқ келажакдаги истиқболим ҳақида ўйлай олмайман. Ҳозир қўлимда бор нарсалардан баҳра олиб яшаш ёқяпти. 

Бор эътиборимни ишимга қаратганман ва бундан кейин ҳам қўлимдан келганини қиламан. Илгари оммавий тарзда 1000 та гол урмоқчилигимни баралла айтардим.

Ҳозир бироз бошқача ўйлайман, кўп нарса жисмоний ҳолатга боғлиқ эканини биламан. Бир сўз билан айтганда, яқин йиллар ичида оёғим талабларимга қандай жавоб беришига боғлиқ. 

Агар мингта тўп кирита олсам жуда яхши бўлади. Бунга эриша олмасам ҳам, бирортаси мендан кўп гол ура олмаганини биламан, - деди Роналду.